Në Asamblenë e socialistëve, kryeministri Rama foli për rëndësinë e aleancës me LSI-në, pavarësisht se raporti ka problemet e tij. Por, për kreun e degës së PS-së në Tiranë, Saimir Tahiri, PS edhe vetëm do fitojë zgjedhjet e 18 Qershorit.
Ndërkohe për drejtuesin e Asamblesë Kombëtare, kërkesa e opozitës për qeveri teknike është absolutisht i parealizueshëm.
Pjesë e fushatës zgjedhore do të jetë edhe kreu i Bashkisë Tiranë, qe kërkoi mbështetjen për projektin për të vijuar transformimin e të gjithë Shqipërisë.
Në pjesën e fundit te Asamblesë, të deleguarit e kryesisë në qarqe dhe drejtuesit politikë, kanë dhënë secili mesazhet për organizimin e fushatës zgjedhore. Nga kjo e diele të gjithë zyrtarët socialistë do të jenë në terren, për të shpjeguar reformat e qeverisë dhe për të kërkuar votat për një mandat të dytë.
