Ish-ministri i Brendshëm Saimir Tahiri u thirr këtë të premte në SPAK si person në dijeni për dosjen e “21 janarit”. Ai qëndroi për gati dy orë në ambientet e prokurorisë së posaçme. Në atë kohë Tahiri ka mbajtur detyrën e deputetit të PS-së, ndërsa pas ardhjes së PS-së në qeveri u emërua në postin e ministrit të Brendshëm.
“U pyeta për rolin që kam pasur në datën 21 janar dhe kallëzimin që kam bërë në vitin 2015. I qëndroj pikë për pikë asaj që kam thënë. Roli im ka qenë protestues. Të gjithë kemi qenë protestues. Është një ngjarje që duhet zbardhur. Shpresoj shumë të zbardhet”, tha Tahiri.
Lexo edhe :
Related Posts
Nga ana tjetër si vetë Tahiri ashtu edhe SPAK kanë bërë rekurs në Gjykatën e Lartë vendimit të dënimit të tij nga apeli, ku SPAK kërkon që Tahiri të shpallët fajtor edhe për grup të strukturuar kriminal, por vetë ai kërkon pafajësi
Ndërkohë të enjten në Prokurorinë e Posaçme u paraqit edhe deputeti i PS-së, Xhemal Qefalia, i cili dha dëshminë si person që ka dijeni për protestën e 21 janarit
Po ashtu janë marrë në pyetje dhe ish drejtori i Përgjithshëm i policisë së shtetit Hysni Burgaj dhe një ditë më pas dëshmoi edhe zëvendësi i tij Agron Kuliçaj
SPAK nisi hetimet për protestën e 21 janarit 2021 në bulevard, pasi Gjykata e lartë urdhëroi çeljen e tyre. Përpara se ajo ta merrte këtë vendim ka qenë gjykata e Strasburgut ajo që e quajti “21 janari” krim shtetëror që duhej zbardhur: kush dhe si u dha urdhri për vrasjet e “21 janarit” dhe roli i Sali Berishës dhe Lulzim Bashës, përkatësisht kryeministri dhe ministri i Brendshëm i kohës. /vizionplus.tv
