Ka qenë fundjava e numrit 5, në të mirë e në të keq, për Armando Sadikun, i cili pa frikë mund të quhet si sulmuesi më efektiv i muajit të fundit, pse jo në të gjithë Europën.

 

Elbasanasi vazhdon të shënojë me vazhdësimësi në Superligën zvicerane, teksa sigloi golin e 5 në 5 javët e fundit. Por këtë radhë, rrjeta e tij nuk i ka shërbyer ekipit të Luganos, i cili pësoi një humbje të turpshme 5-2 përballë Thun.

 

Lugano e drejtuar nga Tramezani dhuroi një paraqitje të dobët, duke pësuar 5 gola njëri pas tjetrit. Kështu që për të shmangur shifrat katastrofike të humbjes u deshën golat e Karlinjos dhe Sadikut brenda dy minutave në fund. Realizimi i Sadikut i shërbeu atij vetëm në planin personal.

 

Për momentin Lugano ndodhet në vend të 6-të, 8 pikë mbi vendin e fundit. Ndërkohë që është kthyer me këmbë në tokë, përderisa pas fitoreve radhazi kishte nisur të ëndërronte deri edhe Kupat e Evropës.

 

 

Leave a Reply

Your email address will not be published.