Rusia ka regjistruar 10,633 infeksione të reja me koronavirus gjatë një dite, rritja më e lartë ditore që nga fillimi i pandemisë në vend. Kjo e çon numrin e përgjithshëm të rasteve në Rusi në 134.686.
Por shkalla e vdekshmërisë së Rusisë mbetet e ulët në krahasim me vendet e tjera, të tilla si SHBA, Italia dhe Spanja.
Të dielën, u njoftuan edhe 58 vdekje të tjera të lidhura me koronavirusin, duke e çuar totalin në 1.280 në Rusi.
Më e goditura nga COVID-19 është Moska. Kryetari i Bashkisë së Moskës, Sergei Sobyanin të shtunën tha se nuk është momenti për vetëkënaqësi pasi kryeqyteti nuk e ka kaluar akoma kulmin e epidemisë.
Ndërsa presidenti rus, Vladimir Putin ka deklaruar se situate mbetet shumë serioze. Në Rusi është infektuar me koronavirus edhe kryeministri Mikhail Mishustin.