Rusia sulmon me dronë Kievin në ditën e Vitit të Ri

Rusia nisi një sulm me dron kundër Kievit herët këtë mëngjes, duke plagosur të paktën tre persona dhe duke dëmtuar ndërtesa në dy rrethe, thanë zyrtarët komunalë.

Shpërthimet ndodhën menjëherë pasi Forcat Ajrore të Ukrainës paralajmëruan se mjetet ajrore pa pilot po i afroheshin qytetit.

Kryebashkiaku Vitali Klitschko  njoftoi se mbrojtjet kundërajrore po zmbrapsnin një sulm armik dhe se dy kate të një ndërtese banimi u shkatërruan pjesërisht nga sulmi.

Mbeturinat dëmtuan gjithashtu një ndërtesë të pabanuar në një lagje tjetër, shtoi ai./vizionplus.tv