Rusia thirri ambasadorin e Greqisë në Moskë, për të protestuar kundër vendimit të Athinës zyrtare, që ka dëbuar dy diplomatë rusë, duke i akuzuar se kanë tentuar që të bllokojnë marrëveshjen historike mes Greqisë dhe Maqedonisë për çështjen e emrit.
Ministria e Jashtme ruse sqaroi se ka thirrur në takim ambasadorin Andreas Fryganas për t’i shprehur “kundërshtimin në lidhje me dëbimin e dy diplomatëve rusë dhe ndalimin që të hyjnë në Greqi të dy diplomatëve të tjerë”.
Moska ka akuzuar Shtetet e Bashkuara se “qëndrojnë prapa këtij vendimi anti-rus të Qeverisë greke, që ka ndodhur në hapjen e samitit të NATO-s” më 11 korrik.
Ndërkohe që qeveria greke pohoi më 11 korrik vendimi ishte marrë në kuadër të masave të nevojshme për të mbrojtur interesin kombëtar pas “ndërhyrjes” së zyrtarëve rusë në çështjen e emrit me Maqedoninë fqinje.