Ambasadori i Rusisë në OKB ka kërkuar që Këshilli i Sigurimit i Kombeve të Bashkuara të mbajë një takim të posaçëm për rastin e helmimit të ish-agjentit të dyfishtë Sergei Skripal.
Ambasadori rus në OKB, Vassily Nebenzia kërkoi që takimi të zhvillohet pasditen e kësaj të enjteje në Nju Jork.
Sipas mediave ruse, Moska do të kërkojë të ketë akses në materialet hetimore që ekspertët londinezë kanë arritur të mbledhin deri më tani.
Kërkesa e Rusisë vjen në mesin e tensioneve diplomatike të Moskës me aleatët e Mbretërisë së Bashkuar. Deri më tani më shumë se 150 diplomatë rus janë deportar nga blloku perëndimor. Sekretari i Përgjithshëm i NATO-s Jens Stoltenberg është shprehur se NATO nuk ka për qëllim izolimin e Rusinë, por duhen marrë masa më të ashpra për të treguar se Moska ka gabuar rëndë.
Kryeministrja britanike Theresa May ka akuzuar Kremlinin se është “shumë e mundshme” që sulmi të jetë urdhëruar nga qeveria ruse, por Kremlini i ka mohuar vazhdimisht akuzat, duke hedhur dyshimet se mund të jetë vetë Mbretëria e Bashkuar ajo që është e përfshirë në helmim.
Megjithatë, sipas hetimeve të deritanishme, shkencëtarët britanikë nuk mund të provojnë se origjina e helmit që u përdor për helmimin e Skripal, është prodhuar në Rusi, dhe se nevojiten metoda jashtëzakonisht të sofistikuara për prodhimin e një agjenti të tillë nervor.
