Deputeti i Partisë Socialiste, Etjen Xhafaj u pyet në edicionin qendror të lajmeve në “Vizion Plus” se si do të vijojë nisma “Ballkani i Hapur” pas vendimit të Serbisë për të mos dënuar agresionin rus në Ukrainë.
Ai u shpreh se kjo do të jetë një nga pikat që do të diskutohet gjerësisht, ndërsa shtoi se vlerësimi dhe qendrimi i Shqipërisë do të jepet në një kohë tjetër, pasi kemi të bëjmë me një situatë të paprecedentë.
“Kjo ka për të qenë një nga pikat që do të diskutohet gjerësisht në nivel bilateral dhe shumëpalësh. E kemi ditur gjithmonë që ka pasur një tendence të Beogradit për të lujatur me të dyja krahët. Vendimi i Shqipërisë nuk mund të vijë në mënyrë refleksi sepse ka shumë gjëra të tjera që luhen aty. Është situatë e paprecedentë, nuk mund të marrim vendim bazuar mbi atë qe kemi parë. Ballkani i Hapur është nismë që ka të bëjë me rajonin tonë, jo nga konflikti. Vlerësimi i qendrimeve tona si një marrëdhënie shumëplalëshe sigurisht që do të shenjohet nga konflikti në Ukrainë, por dhe nga ato që do të ndodhin në ditët në vijim. Siç po rritet agresioni në rrugët e Kievit, do të rritet edhe presioni ndaj vendeve që të rreshtohen ndaj njerit kamp apo tjetrit. Kemi të bëjmë me një plag të hapur në zemër të Evropës.
