110 milionë ruse votojnë ketë te diel ne zgjedhjet parlamentare, qe nuk pritet te sjellin surpriza. Partia “Rusia e Bashkuar” e themeluar nga presidenti Putin dhe e drejtuar nga kryeministri Dimitri Medvedev shihet si favorite per te vijuar dominimin ne dhomën e ulet te parlamentit me 450 vende, i njohur si Duma, per pese vitet e ardhshme. Këto zgjedhje vijnë pas atyre te vitit 2011, ku nuk munguan akuzat e opozitës per vjedhje te votave, çka solli edhe protesta te mëdha kundër presidentit Vladimir Putin. Gjate fushatës kritiket e tij patën shume pak mundësi per t’iu drejtuar votuesve ne televizion, ndërsa figura qendrore te opozitës, si Alexi Navalny nuk u lejuan te bënin fushate. Per here te pare po votohet edhe ne gadishullin e Krimese, i aneksuar nga Rusia ne vitin 2014. Parlamenti ukrainas kërkoi qe te mos ketë vëzhgues te huaj ne Krime dhe rezultati i zgjedhjeve te mos njihet nga ndërkombëtaret. Ruset kane patur mundësi te votojnë edhe jashtë vendit, por ne kryeqytetin ukrainas Kiev nuk munguan tensionet. Aktiviste te djathte vendas u përplasen me policinë, pasi kishin bllokuar hyrjen e Ambasadës Ruse. Ndonëse Rusia përballet me probleme ekonomike dhe me sanksione nga perëndimi per shkak te rolit ne krizën ukrainase, popullariteti i Putinit mbetet i larte dhe këto zgjedhje shihen si test per fushatën e tij te pritshme per presidencialet e vitit 2018.
