Shpërthimet dhe bombardimet ruse ndaj qyteteve të Ukrainës kanë qenë intensive, ndërsa mediat ndërkombëtare kanë bërë të ditur se një raketë ka goditur edhe një ndërtesë afër aeroportit të Lvivit .
Ky qytet është vetëm 70 kilometra larg kufirit me Poloninë, teksa vlerësohet si një vend i sigurt për momentin pasi është larg betejës që po zhvillohet në lindje dhe jug të Ukrainës.
Disa media ndërkombëtare kanë raportuar se ky mund të jetë veprim i forcave ruse për të ndalur furnizimet me armë.
Rusia lëshoi gjashtë raketa drejt qytetit perëndimor. Predhat besohet se erdhën nga avionë luftarakë mbi Detin e Zi, ndërsa dy nga raketat u kapën nga sistemet e mbrojtjes ajrore. Deri me tani nuk raportohet për viktima.
Ndërkohë, një person është vrarë në Kiev dhe 19 të tjerë janë plagosur pasi një raketë ruse ka rënë në një ndërtesë banimi.
