Kreu i Kuvendit Gramoz Ruçi dhe kreu i grupit parlamentar Taulant Balla u pritën këtë të martë nga Presidenti i Bundestagut, Schauble.
Gjatë takimit të zhvilluar Schauble rikonfirmoi para kreut të Kuvendit edhe njëherë mbështetjen e Gjermanisë për çeljen e negociatave.
Ai theksoi se Bundestagu po ndjek nga afër progresin e Shqipërisë në lidhje me reformat.
Ndërsa nga ana tjetër, kreu i Kuvendit, Gramoz Ruçi theksoi se Shqipëria është e vendosur për zbatimin e reformave.
Sipas Ruçit, prioritet për qeverinë janë zbatimi i reformës në drejtësi si dhe lufta kundër krimit dhe korrupsionit.