Pas presidentit Ilir Meta dhe kryetares së LSI, Monika Kryemadhi, votoi edhe kryeparlamentari Gramoz Ruçi.
Ai hodhi votën në qendrën e votimit pranë Liceut Artistik. Kreu i Kuvendit bëri apel që të pranohet rezultati nga të dyja palët.
“Sot nuk është dita jonë, e politikanëve, sot është dita e qytetarëve. Unë kam bindjen se sot do të fitojë qytetaria e qytetarëve shqiptarë. Ne politikanët duhet të heshtim, të ndjekim procesin dhe t’i nënshtrohemi verdiktit që do japë sovrani. Nga nesër e tutje do ketë një fitues dhe një humbës. Nga nesër, fituesi të administrojë fitoren pa eufori dhe humbësi të administrojë humbjen pa panik.”
