7 persona, mes të cilëve edhe zyrtarë të drejtorisë së transportit rrugor u arrestuan nga policia, ndërsa një u shpall në kërkim.
Ata akuzohen për falsifikim të dokumenteve që lejojnë përdorimin e xhamave e zinj në makina.
Për këtë shërbim, ata merrnin si ryshfet shuma nga 10 deri në 30 mijë lekë të rinj.
Sekserët dhe zyrtarët bashkëpunonin duke i orientuar qytetarët te një servis për të errësuar xhamat dhe më pas bënin gati dokumentet false.
Po ashtu, ata bënin edhe manipulimin e dokumenteve mjekësore për të lejuar shoferët që të mos përdornin rripin e sigurisë.
