Gjatë këtij sezoni veror, pushuesit do të kenë mundësi të aksesojnë edhe aksin Palasë-Dhërmi.
Gjatë inspektimit të punimeve, ministrja Balluku tha se një pjesë e rrugës do të jetë e hapur që këtë fundjavë për turistët, ndërkohë që vepra e plotë do të dorëzohet në fillim tetori.
“Po punohet me ritme të shpejta, sepse duam ta vëmë në dispozicion të qytetarëve gjatë sezonit, duke bërë thirrje për kujdes, sepse është kantier ndërtimi. Kjo vepër jep një vlerë tjetër për pronën dhe për të gjithë bregdetin e jugut, sepse tashmë nga dalja e tunelit, turisti lidhet menjëherë me Palasë-Dhërmi, për të zbritur më pas në të gjitha zonat ku do të shkojë” – shpjegoi ministrja Balluku.
