Asgjë nuk ka ndryshuar per këta emigrante, qe prej ditesh presin te kalojnë kufirin me Maqedoninë. Ndonëse autoritetet greke kane ngritur nje kamp larg pikës se Idomenit, ata po qëndrojnë ne çadra me shpresën se do te jene te paret qe do te hyjnë ne territorin maqedonas me t’u hapur kufijtë. Por asnjë vendim nuk është marre nga Maqedonia dhe shtete te tjera te rajonit, qe kane bllokuar rrugën ballkanike. As takimi i fundit i ministrave tё brendshëm tё BE-sё nё Bruksel nuk solli rezultate, ndonëse pjesëmarrësit diskutuan per mënyrat e zgjidhjes se krizës. Per presidentin maqedonas George Ivanov shtetet ballkanike ashtu si edhe vendi i tij janë viktima te nje politike te dështuar te BE per emigrantet. Duke folur per gazetën gjermane “Bild” ai tha se nëse nuk do te kishte vepruar per te mbrojtur kufijtë, Maqedonia do te ishte mbushur tashme me xhihadiste. Ivanov sulmoi edhe Greqinë si vendi ku dynden se pari emigrantet, se ka lejuar maqedonase ka 9 mije refugjate te kalojnë kufirin me pasaporta te falsifikuara. Bllokimi i te ashtuquajturit Korridori Ballkanik ka vene ne lëvizje edhe autoritetet bullgare, pasi ne këto kushte Bullgaria mund te jete nje alternative kalimi per emigrantet. Trupat e ushtrisë jane stacionuar tashme ne kufi dhe qeveria ka planifikuar ndërtimin e nje gardhi ne rast te nje vale refugjatesh.
