Maqedonia “blindon” kufirin

Ndërsa Brukseli diskuton planin e ri për zgjidhjen e krizës së emigrantëve, Shkupi zyrtar njofton se nuk do të lejojë më kalimin e emigrantëve nga Greqia, duke i hapur rrugë një zhvendosje të këtij fluksi drejt Shqipërisë. Vendimi për mbylljen përfundimtare të kufirit, pason deklaratën e kryeministrit slloven, i cili tha se e ashtuquajtura “Rruga e Ballkanit” për emigrantët, nuk ekziston më. Të njëjtin vendim pritet të marrin Serbia e Kroacia. Korrespondenti i BBC ne Maqedoni, thekson se me shume gjasa dy rrugët për refugjatët, mbeten ajo përmes Shqipërisë dhe Bullgarisë, por ende nuk ka asnjë lëvizje drejt këtyre shteteve. Keto vendime zinxhir te vendeve te Ballkanit, kane shtuar presionin ne Greqi, ku është përqendruar nje fluks i madh refugjatesh. Ato janë kritikuar se fundi nga kancelaria gjermane Angela Merkel. Ajo deklaroi se historia do ta gjykoje ashpër Evropën nëse shtetet e saj nuk ndajnë barrën e pranimit te refugjateve. Duke folur nga Shtutgarti, ajo tha se BE, nuk mund te izoloje vetveten nga kjo krize.