Pas deklaratës se kryetarit te PD-se Lulzim Basha, i menjëhershëm ka qene reagimi i ish-kryebashkiakut te Kavajës, Elvis Rroshi. Përmes një statusi në facebook, Rroshi shkruan se dënimin e tij në Itali e ka zbuluar vetë dhe se nuk ishin as Basha e as Berisha ata që hodhën dritë mbi të shkuarën e tij. Rroshi thekson se zgjedhjet e parakohshme në Kavajë nuk do sjellin fitoren e Partisë Demokratike. “I jap fjalën Lules dhe Saliut se në Kavajë s’kanë për t’u kthyer kurrë fitimtare dhe kanë për ta marrë vesh mirë në zgjedhjet e parakohshme se nga Kavaja nuk i ka përzënë krimi, por populli!”, shkruan Rroshi. Ai shton se është dënuar në mungesë për një vepër penale që nuk e ka bërë dhe se nuk ka kryer asnjë ditë burg për të. “Nuk kam grabitur paratë e buxhetit te shtetit. Nuk i kam ikur gjyqit me raporte mjekësore false si lulja e Shqupit” – shkruan Rroshi, duke e mbyllur reagimin me fjalët: “Shqipërisë nuk i vjen e keqja nga dënimi si minoren, por nga mosdënimi i politikanëve kriminelë dhe hajdutë të këtij vendi”.
