Rritje alarmante e të infektuarve me koronavirus në SHBA, mbi 3 mijë të vdekur

Bilanci i të infektuarve dhe i viktimave në SHBA me COVID-19 është rritur me ritme të shpejta.

Deri më tani, kanë humbur jetën 3,170 njerëz, ndërsa shënohen mbi 164 mijë të prekur, duke u bërë vendi me numrin më të lartë të të infektuarve në botë. Ndërkohë, 3,512 pacientë ndodhen në gjendje kritike dhe mbi 5 mijë janë rikuperuar.

Presidenti Donald Trump ka paralajmëruar se pika më e lartë e vdekjeve pritet të ndodhë në këto dy javë. Po ashtu, ai vendosi që t’i shtyjë kufizimet deri në 30 prill për të ngadalësuar përhapjen e koronavirusit.