“Tirana International Airport” ka ndarë një njoftim për të gjithë pasagjerët që duan të udhëtojnë jashtë vendit.

 

Në njoftimin e publikuar në faqen zyrtare të “Facebook” sqarohet se për shkak të fluksit të pushuesve, pasagjerët këshillohen të shkojnë në ambientet e aeroportit 3 orë para udhëtimit.

 

“Në vëmendje të të gjithë pasagjerëve që udhëtojnë nga Tirana International Airport. Duke marrë shkas nga rritja e fluksit të pasagjerëve që udhëtojnë nga TIA në këto ditë të sezonit veror, si dhe ardhjen e shumë bashkatdhetarëve nga jashtë, kontrollin e dokumentacionit për vendet që kanë vënë kufizime për pasaportat shqiptare – sidomos Italia – si dhe paraqitjen e testit PCR apo antigen në sportelet e TIA-s të pranimit të biletave – sipas kritereve të vendeve ku udhëtoni – sugjerojmë që paraqitja në aeroport të jetë 3 orë përpara udhëtimit. Kjo kohë do të jetë e mjaftueshme që të organizoheni përpara fluturimit tuaj, qoftë për parkimin e automjetit tuaj, qoftë për kontrollin e dokumentacionit që kërkohet për vendet respektive ku udhëtoni. Ju rikujtojmë se jemi në dispozion të çdo pasagjeri për t’i shërbyer sa më mirë, e në të njëjtën kohë, mbetemi besnikë të durimit dhe bashkëpunimit, sepse kohërat janë të pazakonta dhe na duhen të gjithëve fuqi të pazakonta.”

Leave a Reply

Your email address will not be published.