Transporti publik është një nga sektorët që qeveria ka vendosur të mbështesë financiarisht për shkak të shtrenjtimit të naftës me qëllim që të mos preket shërbimi për qytetarët.
Kostandin Foni, përfaqësuesi i një prej operatorëve kryesor të transportit urban në kryeqytet, e quajti oksigjen për sektorin, paketën prej 5 milionë dollarësh për të amortizuar efektet e çmimit të karburantit.
“Është një oksigjen për këtë sektor. Paketa sociale do të rimbursohet te operatorët bazuar në sasinë e litrave që kanë konsumuar operatorët gjatë muajit prill, maj, qershor të vitit 2021. Do të ketë një rakordim të konsumit të këtyre muajve po të vitit 2022…Shërbimi është më kapacitet të plotë flote. Çdo operator ka nxjerrë në shërbim gati 100 për qind të flotës.
Foni shtoi se kryeministri Edi Rama iu premtoi në takimin që pati me operatorët se nëse kjo situatë krize zgjat më shumë se tre muaj, do t’iu ofrohet një paketë e re nga qeveria për një periudhë afatgjatë.
“Kryeministri na premtoi në takim paketën ndaj krizës së rritjes së çmimeve. E kemi pyetur se çfarë do të ndodhë pas tre muajsh. Morëm një premtim që do të ketë një paketë të re nga qeveria për një periudhë afatgjatë që mos të afektojë në çmimin e biletës dhe të mos ndikojë në xhepat e qytetarëve…Abonetë nuk janë prekur. Vazhdojnë më kapacitet të plotë dhe me shitje normale.”
