Ministrja e Shtetit për standartet e shërbimeve, Milva Ekonomi i është përgjigjur akuzave të opozitës për ndërhyrje të qeverisë në treg duke dëmtuar konkurencën.
Në një lidhje me Skype, në studion e lajmeve në Vizion Plus, Ekonomi tha se këto pretendime nuk qendrojnë. Ajo theksoi se në situata të tilla shteti ndërhyn për të vendosur disa fiksime të çmimeve.
“Nuk besoj se këto pretendime qendrojnë. Qeveria ka ndërmarrë një paketë me 7 masa që të mos rëndohet situata e krizës në familjet dhe bizneset e vogla. Qeveria ka ngritur bordin e administrimit për çmimin e karburanteve dhe të ushiqmeve të shportës. Po të lexojëm teorinë ekonomke në situata të tilla shteti ndërhyn për të vendosur disa fiksime të çmimeve.
Edhe në rajon ka ndërhyrje, ndërkohë ne kemi mundësi të kontrollojmë. Ata që jan prodhues të mëdhenj, apo shitës me pakice të mos abuzojnë, për këtë arsye qeveria kërkon nga inspektoriati i tregut të ketë një ndërgjegjësim e vëmendje në lidhje me abuzimet që mund të ndodhin në treg. Nuk besoj se po kthehet si presion sepse kjo situatë nuk përballohet e vetme”, tha Ekonomi.
Ajo theksoi se po përgatiten skenarë të ndryshëm në rast të zgjatjes së situatës së luftës.
“Po përgatisim skenarë të ndryshëm, e kemi treguar që në situata të vështira përgatisim skenarë të ndryshëm. E para duke parë të dhënat që kemi, e dyta duke parë vendet e tjera në rajon e Europë se si veprojnë. Duke pasur parasysh të gjitha faktorët qeveri është e gatshme të ndjekë situatën hap pas hapi për t’i ardhur në ndihmë të gjitha familjeve”, tha Ekonomi.
