Presidenti i SHBA-së, Donald Trump, tha se urdhëroi një rritje shtesë prej 9% të tarifave ndaj Zvicrës sepse nuk i pëlqeu mënyra se si i foli një zyrtar zviceran, duke i kërkuar atij të anulonte masat.
Në një intervistë me Fox Business, Trump tha se toni i Carina Keller-Schutter, një anëtare e Këshillit Federal Zviceran, të cilën ai gabimisht e quajti “kryeministre”, ishte agresiv.
“Vendosa një tarifë prej 30%, e cila është shumë e ulët. Pastaj mora një telefonatë urgjente nga, mendoj, kryeministrja zvicerane, dhe ajo ishte shumë agresive por e sjellshme, por shumë agresive. Ajo tha: ‘Zotëri, ne jemi një vend i vogël. Nuk mund ta përballojmë këtë. Nuk mund ta mbyllja telefonin,” tha ai.
🇺🇸🇨🇭 Trump said he raised tariffs on Switzerland because he didn’t like how the Swiss “prime minister” spoke to him.
Switzerland doesn’t have a prime minister.
That’s where we are. 🤷♂️ pic.twitter.com/zZM8utyDNa
— DD Geopolitics (@DD_Geopolitics) February 11, 2026
Trump deklaroi se i tha zyrtares zvicerane se, pavarësisht madhësisë gjeografike, Zvicra kishte një deficit tregtar prej 42 miliardë dollarësh me Shtetet e Bashkuara.
“Nuk më pëlqeu shumë mënyra se si na foli, kështu që i rrita tarifat në 39% ”, shtoi ai.
Presidenti i SHBA-së pohoi gjithashtu se Zvicra nuk paguante fare tarifa, ndërsa eksportonte produkte në SHBA.
Ai kishte bërë deklarata të ngjashme disa javë më parë në Forumin Ekonomik Botëror në Davos.
