Një incident i ndodhur ne kampin e refugjateve ne Idomeni ne kufirin greko-maqedonas ka rikthyer tensionet mes forcave te rendit dhe emigranteve. Nje furgon i policisë përplasi nje refugjat sirian, qe u transportua ne spital ne gjendje te rende, çka solli reagimin e nje grupi te madh emigrantesh. Ata qëlluan me gurë dhe mjete te forta ndaj policeve dhe furgonit. Emigrantet pretendojnë se përplasja e sirianit nga drejtuesi i furgonit ishte e qëllimshme, por policia përmes nje deklarate ketë te marte sqaroi se behej fjale per nje ngjarje aksidentale. Për incidentin kane nisur hetimet. Tensionet ndodhen ndërsa policia përpiqej te largonte disa prej emigranteve, qe prej muajsh qëndrojnë ne kampin e Idomenit. Ata refuzojnë te zhvendosen ne qendra te tjera pritjeje me kushte me te mira. Shinat e trenit qe u “çliruan” nje dite me pare nga policia, u pushtuan serish nga grupe personash.
