Marrëdhëniet diplomatike franko-turke janë përshkallëzuar sërish me tensione të reja, këtë radhë për qëndrimet radikale mbi fenë islame dhe muslimanët. Presidenti turk Rexhep Tajip Erdogan i ka bërë thirrje popullit turk që të bojkotojnë mallrat franceze.
RECEP TAYIP ERDOGAN PRESIDENT I TURQISE
“Islamofobia në rritje në perëndim është kthyer në një sulm të plotë ndaj librit tonë, profetit tonë dhe gjithçkaje që ne e konsiderojmë të shenjtë. Zhvendosjet, inkuizicionet dhe gjenocidet ndaj anëtarëve të feve të ndryshme nuk janë një praktikë e huaj për Europën. Krimet kundër njerëzimit të kryera kundër hebrenjve 80 vjet më parë, veprimet kundër vëllezërve dhe motrave tona boshnjake në Srebrenicë janë akoma në kujtesë. Meqënëse në Francë ka një thirrje për të bojkotuar mallrat trona, atëherë edhe unë i drejtohem popullit tim, mos blini produkte nën market franceze.”
Erdogan ka kritikuar homologun francez Emmanuel Macron mbi angazhiminn e tij për të mbrojtur vlerat laike. Këto zhvillime vijnë vetëm pak ditë pasi një mësues në Francë u vra gjatë një sulmi për shfaqjen e karikaturave të Profetit Muhamed në klasë.
