Shtrohen edhe pesë pacientë të tjerë me koronavirus në Spitalin Infektiv. Numri total i të infektuarve që kanë nevojë për trajtim nga mjekët shkon kështu në 31.
Kjo do të thotë se kemi një rëndim të situatës tek spitali COVID, pasi disa ditë më parë ka patur të shtruar vetëm 14 pacientë.
Për shkak të numrit të paktë të qytetarëve që trajtoheshin në spitale, ministrja e Shëndetësisë, Ogerta Manastirliu mori vendimin për të mbyllur COVID-2 dhe Spitali “Shefqet Ndroqi” u kthye siç ishte më parë.
Ndërkaq, gjatë orëve të fundit 15 pacientë të tjerë kanë fituar betejën me virusin. Gjithsej në vendin tonë numërohen 872 të shëruar.
