Rritet numri i viktimave nga uragani “Mangkhut”

Është rritur në 81 numri i të vdekurve që humbën jetën nga Uragani Mangkhut.

Autoritetet njoftuan se shifrat mund të rritet për shkak se ekipet e shpëtimit po vijojnë kërkimet për të gjetur dhjetëra të tjerë që janë shpallur të zhdukur.

Pjesa më e madhe e viktimave humbën jetën si pasojë e rrëshqitjes së dherave, dhe një pjesë tjetër, janë nën rrënoja. 59 persona rezultojnë ende të zhdukur.

Zyrtarët druhen se numri i viktimave shkon mbi 100.

Uragani Mangkhut kaloi të shtunën në pjesën veriore të Filipineve dhe në Hong Kong, duke shkatërruar shtëpitë dhe përmbytur tokat bujqësore. Pjesa më e madhe e tyre janë ende nën ujë për shkak të uraganit që solli përmbytje katastrofike.