“Është rritur numri i viktimave në Gaza”, ka deklaruar ministria e shëndetësisë.
Në përditësimin e saj të fundit, ministria e shëndetësisë e drejtuar nga Hamasi tha se 84 persona janë vrarë dhe 158 të tjerë janë plagosur në 24 orët e fundit.
Të paktën 42,603 palestinezë janë vrarë dhe 99,795 të tjerë janë plagosur, që kur Izraeli filloi ofensivën e tij ushtarake në Gaza që nga 7 tetori i vitit të kaluar.
Më 7 tetor, një sulm i udhëhequr nga Hamasi në Izrael rezultoi në rreth 1200 njerëz të vrarë dhe 251 të marrë peng. Rreth 100 pengje ende mbahen në Gaza.
Kryeministri izraelit Benjamin Netanyahu tha në fillim të kësaj jave se luftimet do të vazhdojnë derisa pengjet e mbetura të kthehen në shtëpi.
