Rritet numri i refugjatëve që futen në Shqipëri nga Greqia

Fluksi i refugjateve nga lindja qe hyjnë ne territorin shqiptar është rritur ndjeshëm veçanërisht gjate dy muajve te fundit.

Nga fillimi i tetorit e deri tani janë kapur me shume 1800 refugjatë. Në këtë situatë policia kufitare është detyruar te shtoje forcat në terren se bashku me efektivet e front!Ex.

Shefi i policisë Emiljano Resulaj bën me dije se për shkak të terrenit të thyer dhe vijës së gjatë kufitare refugjate arrijnë te depërtojnë ne brendësi te territorit.

Frontex ka angazhuar 37 oficerë patrullimi përgjatë gjithë kufirit te gjelbër. Por rritja e fluksit tregon se numri i efektive te angazhuar është i pamjaftueshëm për te përballuar situatën.