Bashkimi Evropian ka pranuar 648,000 aplikacione vitin e kaluar për mbrojtje ndërkombëtare, ka thënë Agjencia e BE-së për Azil të martën.
Kjo shifër është më e lartë për një të tretën e asaj të vitit 2020. Afganët dhe sirianët përbëjnë grupet më të mëdha të aplikantëve.
Përveç kësaj, blloku evropian ka pranuar rreth 3.4 milionë kërkesa për mbrojtje të përkohshme nga personat që i kanë ikur luftës së Rusisë në Ukrainë. Agjencia e BE-së ka thënë se në tërësi rreth gjashtë milionë njerëz i kanë ikur pushtimit rus, ndonëse një prej e tyre janë rikthyer në Ukrainë.
Sirianët kanë bërë rreth 117,00 aplikacione ndërsa afganët 102,000, të përcjellë nga shtetasit e Irakut, Pakistanit, Turqisë dhe Bangladeshit. Destinacionet e tyre kyçe janë: Franca, Gjermania, Italia dhe Spanja. Gjysma e të gjithë aplikanëve kanë qenë të grup-moshës 18-34, dhe rreth 70 për qind e tyre janë burra.
BE-ja ka thënë se u ka pranuar kërkesat për azil apo mbrojtje 185,000 njerëzve. Banorët e Eritresë kanë pasur shkallën më të lartë të pranueshmërisë – 81 për qind – derisa banorët e Gjeorgjisë shkallën më të ulët – tre për qind. Rreth 770,000 vendime janë ende në pritje, ka thënë agjencia./R.E.L
