Rritet bashkëpunimi i bandave shqiptare dhe malazeze, Dumani dhe Kraja, takime në Podgoricë

Goditja e bandave kriminale shqiptare dhe atyre malazeze ka qenë në fokus të diskutimit që kanë zhvilluar kreu i SPAK Altin Dumani dhe prokurori Arben Kraja me homologët e tyre në Malin e Zi.

Në një njoftim për mediat, SPAK bën me dije se mes dy shteteve do të forcohen më shumë marrëdhëniet për shkëmbimin e informacioneve dhe goditjen e grupeve kriminale.

Lexo edhe :

Related Posts

E vranë në sy të motrës, të pathënat e ekzekutimit të shqiptarit, pjestar te klanit mafioz në Mal të Zi: Lidhja me influenceren

Shqiptari i ekzekutuar në Tivar, mediat: U vu në shënjestër për shkak të lidhjes me gruan e shokut

Shqiptari, rol në vrasjet mes grupeve mafioze "Kavaç" dhe "Skaljari" në Mal të Zi, gjithçka u zbulua nga bisedat në SKY ECC

“Në takimin me Kryeprokurorin e Prokurorisë Speciale të Malit të Zi, një rëndësi të veçantë  i’u kushtua diskutimeve për forcimin e bashkëpunimit ndërmjet dy vendeve, lehtësimit të shkëmbimit të informacioneve dhe eksperiencave më të mira, propozimit për krijimin e Skuadrave të Përbashkëta Hetimore, me qëllim pasjen e një qasje sa më të koordinuar dhe të sukseshme në luftën kundër krimit të organizuar dhe korrupsionit”, njofton SPAK.

Bashkëpunimi mes bandave shqiptare dhe atyre malazeze kanë sjellë një sërë ngjarjesh kriminale.

Ngjarja më e fundit ka qenë ekzekutimi mafioz i shqiptarit Edmond Mustafa në qendër të Tivarit.

Dyshohet se ai u vu në shënjestër për shkak të lidhjes intime që kishte me gruan e shokut.

Mustafa më 27 mars 2022, ishte marrë në pyetje në ambientet e Departamentit për Kundër Krime të Rënda të Administratës Policore të Malit të Zi dhe në atë kohë ka kërkuar statusin e dëshmitarit të bashkëpunëtorit duke ekspozuar vrasje të rënda dhe krime të tjera të kryera nga anëtarët e klanit Skaljar dhe të klanit Kavac.

Pikërisht, goditja e këtyre klaneve mendohet të ketë qenë edhe vizita e e Dumanit dhe Krajës në Malin e Zi./vizionplus.tv