Rriten dyshimet për tenderin Durrës-Kukës

Kriteret e përcaktuara ne koncesionin e mirëmbajtjes se Rrugës se Kombit, vijojnë te përforcojnë idenë e eksperteve se tenderi është i dyshimte, çka le vend për manipulim. Ne kritere është përcaktuar se kalimi i automjeteve ne këtë rruge kap shifrën e 4500 ne dite, por për ekspertin Arben Meçe, kjo është një pike e dyshimte per paracaktimin e fituesit. Nga ana tjetër, Meçe hedh idenë se qeveria duhet te beje kujdes ne miratimin e kësaj marrëveshje, termat e saj duhet te jene ne mënyrë te tille qe ato te mund te rishikohen ne një periudhe te mëvonshme. Brenda këtij muaji prite te shpallet zyrtarisht fituesi. Burime konfidenciale thonë se ai është tashme i vendosur, konsorciumi shqiptar me përfaqësues firmën e ndërtimi “Salillari” çka, do te marre për 30 vjet mirëmbajtën dhe përfundimin e rrugës se “Kombit”.