Një grua vdiq dhe dy të tjera u lënduan, pasi pema e Krishtlindjeve u rrëzua nga era e fortë. Ngjarja u regjistruar në qendër të qytetit belg, Udenarde të enjten mbrëma.
Pamjet e kamerave të sigurisë të publikuara nga mediat belge treguan se pema e Krishtlindjeve, 20 metra e gjatë, u anuar ngadalë e më pas u rrëzua pranë një karuseli në sheshin historik të qytetit.
Autoritetet njoftuan se viktima ishte një grua 63-vjeçare. Dy gra të tjera janë lënduar lehtë nga rrëzimi i pemës.
“Hetimi do të fokusohet nëse pema është vendosur në përputhje me rregullat e përcaktuara të sigurisë, ndërsa do të shqyrtohen edhe efektet e kushteve atmosferike”, u tha në njoftim.
Një stuhi, e cila shkaktoi probleme në Britani dhe Holandë, goditi të enjten edhe Belgjikën perëndimore , ndërsa shërbimi i motit kishte lëshuar një paralajmërim për zonat bregdetare të vendit./vizionplus.tv/
