Rrëzohet kërkesa e Ismailajt

Kastriot Ismailaj kërkoi zëvendësimin e trupit gjykues, me kryesuese Vjollca Spahiu, pasi pretendon se nuk i janë njohur afatet e paraburgimit në kohën kur është thirrur për të dëshmuar. Por gjyqtari Sokol Tona rrëzoi kërkesën e mbrojtjes dhe la në fuqi të njëjtën trup gjykues, që ka shqyrtuar çështjen nga fillimi. Vladimir Meçi, avokat i Kastriot Ismailajt, theksoi se kjo është një shkelje e hapur e procedurave për të pandehurin e tij dhe se trupa gjykuese, nuk ka për të dhënë drejtësi. Ismailaj po hetohet për dy akuza, atë të mashtrimit me pasoja të rënda dhe pastrimit të parave nëpërmjet marrëveshjes me kompaninë CEZ.