Një princ saudit ka humbur jetën pasi helikopteri me të cilin udhëtonte është rrëzuar në jug të Arabisë Saudite. Lajmi për vdekjen e tij vjen vetëm 24 orë pasi vendi u trondit pas arrestimit të 17 princërve dhe ministrave. Dekreti i princit të kurorës Mohammed Bin Salman, ka si synim reformimin e vendit dhe fuqizimin e tij në fron.
Mësohet se në helikopterin ku udhëtonte princi saudit Mansour Bin Muqrin, ndodheshin edhe 8 zyrtarë të tjerë të rëndësishëm. Sipas televizionit shtetëror, janë dy pista për rrëzimin e helikopterit të princit, i cili mbante postin e zëvendës guvernatorit të provincës Asir. Dyshimet e para janë se helikopteri mund të jetë rrëzuar nga Jemeni, pasi Arabia Saudite prej kohësh po udhëheq një operacion kundër rebelëve dhe ka bombarduar disa zona.
Por gjithashtu ekziston edhe mundësia vrasjes për pushtet brenda familjes, pasi Mansour bin Muqrin është djali i një ish-princi të kurorës qe u hoq nga pushteti nga gjysmë vëllai i tij, disa muaj pasi mori fronin në vitin 2015.
Mediat e lidhin ngjarjen me një eliminim të mundshëm të një trashëgimtari tjetër të fronit.
