Të paktën 17 persona janë vrarë pasi një avion ushtarak u rrëzua në jug të Filipineve, njoftoi më 4 korrik Ministria e Mbrojtjes së këtij shteti.

Avioni me 92 persona në bord u rrëzua pasi doli nga pista gjatë ngritjes, raportuan mediat.

Të paktën 40 ushtarë janë shpëtuar nga rrëzimi në ishullin Jolo, që gjendet 1.000 kilometra në jug të Manilës, tha gjenerali Cirilito Sobejana.

“Po bëjmë më të mirën për të shpëtuar pasagjerët”, tha ai për gazetarët.

Fotografitë e publikuara nga vendi i ngjarjes shfaqin tym dhe flakë nga aeroplani, i cili është rrëzuar në mesin e disa drunjve.

The New York Times ka raportuar se të paktën 17 trupa të pajetë janë gjetur, ndërkaq një komandant lokal është cituar të ketë thënë se numri i viktimave pritet të rritet.

Shumica e pasagjerëve të këtij aeroplani ishin persona që sapo kishin diplomuar nga ushtrimet bazike ushtarake dhe po udhëtonin drejt një ishulli për t’iu bashkuar një taskë-force që lufton terrorizmin në këtë rajon me shumicë myslimane./ REL

Leave a Reply

Your email address will not be published. Required fields are marked *