Rreziku nga mashtrimi kompjuterik
Mashtrimet kompjuterike janë kthyer në një fenomen shqetësues për shqiptaret, të cilët kanë rënë pre e hakerave të vendeve të Europës Qendrore dhe Lindore. Sipas shefit të krimeve kompjuterike në Drejtorinë Vendore të Policisë së Tiranës, vetëm gjatë vitit 2015, “Hakerat”, kanë arritur të përfitojnë ne mënyrë të jashtëligjshme nga qytetarët dhe biznesmenët vendas, rreth 1.5 milion euro. Por, si duhet të mbrohemi NGA këto mashtrime dhe çfarë duhet të kemi parasysh, kur tërheqim para në bankomate? Specialisti i krimeve kompjuterike, kërkon nga njerëzit që jenë të kujdesshëm kur kërkojnë të blejnë një automjet në faqet e huaja, pasi ato janë edhe më të sulmuara nga hakerat ndërkombëtarë. Vetëm gjatë vitit 2015, u dërguan në Prokurorinë e rrethit Tiranë rreth 50 raste te mashtrimeve kompjuterike, ndërsa u 15 persona dënuan me burg nga 3 deri në 7 vjet.
