Në zonën e Lezhës është çare argjinatura e lagunës së Vainit, duke rrezikuar përmbytjen.
Çarja është në një distancë të konsiderueshme, pak metra më sipër çarjes së mëparshme.
Bashkia e Lezhës ka shpërndarë një njoftim emergjence në rrjetet sociale, ku ka lajmëruar banorët e zonave Rrilë, Barbullojë, Tresh, Spiten, Markatomaj dhe Tale të lajmërojnë në rast se kanë problematika.
“NJOFTIM I RËNDËSISHËM – SITUATË EMERGJENCE
Sot është konstatuar përsëri çarje e argjinaturës së ujërave të larta Spiten-Tale.
U bëjmë thirrje banorëve të zonave Rrilë, Barbullojë, Tresh, Spiten, Markatomaj dhe Tale, nëse kanë probleme apo nevoja urgjente, të njoftojnë menjëherë në numrin e telefonit: 📞 +355 68 367 8727
Ekipet e Bashkisë Lezhë dhe strukturat përgjegjëse po marrin të gjitha masat për riparimin e argjinaturës së dëmtuar dhe garantimin e sigurisë së banorëve”, thuhet në njoftimin e bashkisë./vizionplus.tv
