Rreth 160 migrantë u shpëtuan nga rojat bregdetare libiane gjatë fundjavës në përpjekje për të përshkuar në mënyrë të paligjshme Mesdheun me destinacion Evropën, njoftoi sot për median një zëdhënës i marinës libiane.
“Dy operacione shpëtimi të regjistruara të shtunën dhe të dielën pranë Zawia (45 kilometra në perëndim të Tripolit) dhe Sabratah (70 kilometra në perëndim të kryeqytetit) mundën të shpëtonin 157 persona”, bëri të ditur për median gjenerali Ayoub Qassem, zëdhënës i marinës libiane.
Një patrullë e rojave bregdetare e pozicionuar në rafinerinë e Zawiat shpëtoi të shtunën në mëngjes 119 migrantë të paligjshëm, në mesin e tyre 11 gra dhe shtatë fëmijë rreth 5 milje detare (8 kilometra) në veri të Mellitah, një platformë gazi në perëndim të Tripolit, jo larg kufirit me Tunizinë.
“Migrantët, në mesin e së cilëve renditen shtetas sirianë, marokenë, pakistanezë dhe nga Gana ishin në bordin e një anije të madhe që po fundosej”, saktësoi gjenerali Qassem.
