Policia e Tiranës u sinjalizua këtë të enjte për rrëmbimin e një personi. Bëhet fjalë për Kozak Braçi, personazh i njohur në Instagram.
Kanë qenë familjarët e të riut ata që denoncuan në polici zhdukjen e tij. Braçi është gjetur nga uniformat blu, të cilët e shoqëruan në polici për të dhënë dëshminë e tij. Autorët janë identifikuar dhe po punohet për kapjen e tyre.
Ndërkohë në rrjetet sociale po qarkullon edhe një video e postuar së fundmi, ku shihet teksa goditet dhe shahet nga disa persona në një makinë.
Paraprakisht dyshohet se shkak është bërë një konflikt i nisur në rrjete sociale.
