Qeveria e Maqedonisë së Veriut ka marre masa të jashtëzakonshme në qytetin e Shkupit dhe Tetovës, për shkak të ndotjes së lartë të ajrit.
Masat kane hyre ne fuqi nga kjo e marte. Sipas autoriteteve maqedonase nivelet e grimcave toksike në ajër janë rreth 11 herë më të larta , një tregues për rrezik për shëndetin e qytetarëve.
Qeveria ka rekomanduar që kompanitë të lejojnë gratë shtatzëna dhe personat mbi moshën 60 vjeç të mos punojnë, gjithashtu ndërmarrjet e ndërtimit të shkurtojnë punën.
Gjithashtu pritet që nëpunësit e shtetit do të përgjysmojnë numrin e përdorimin e automjeteve.
Ndërkohë ministria e Shëndetësisë dhe e Mirëqënies duhet të sigurojnë strehim për njerëzit e pastrehë dhe të rrisin shërbimet e urgjencës dhe vizitat në shtëpi per personat me sëmundje kronike.
Të sëmurët me astmë kronike, ose që kanë përjetuar infarct nuk duhet të punojnë deri në përmirësimin e situates.Gjithashtu shërbimi publik i autobusëve në Shkup është falas pas ores 18.00, ndërsa cmimi I parkimeve është dyfishuar.Masat do të qëndrojnë në fuqi, derisa të tejkalohet ndotja e madhe e ajrit.
Maqedonia e Veriut ka qenë për vite me radhë një nga vendet më të ndotura të Evropës. Autoritetet shëndetësore vlerësojnë se më shumë se 3,000 njerëz vdesin çdo vit si rezultat i ndotjes së ajrit.
