Altin dhe Jona Brari, miq të vjetër të aktorit Erand Sojli ishin sot pjesë e Ferma Club.
Në një moment rrëfyes, ata folën për marrëdhënien mes Erandit dhe ish-bashkëshortes së tij, Rinës, duke theksuar qasjen e tyre të pjekur dhe mbështetëse pavarësisht ndarjes.
“Divorci është një temë shumë personale që i përket vetëm atyre. Ata e dinë vetë arsyet pse arritën deri këtu, dhe ne nuk kemi gjë tjetër veçse respekt,” u shprehën ata. Sipas tyre, edhe pse të ndarë, Erandi dhe Rina vazhdojnë të mbështesin njëri-tjetrin dhe të bashkëpunojnë për mirëqenien e vajzave të tyre.
“Erandi është shumë i lidhur me fëmijët. Ai dhe Rina punojnë ngushtë për t’u siguruar që vajzat të mos ndjejnë mungesën e një familjeje të bashkuar,” – shtuan miqtë.
Po ashtu, ata zbuluan se Rina e ka mbështetur plotësisht Erandin në vendimin për të marrë pjesë në “Ferma VIP”. “Ai është konsultuar me të para se të futej në program. Të dy janë profesionistë dhe e dinë që pjesëmarrja në një reality show sjell komente, por janë gati t’i përballojnë,” u shprehën ata.
Erandi, që gjithmonë është shfaqur si shumë familjar, sipas Altinit dhe Jonës, “lë kokën për vajzat e tij” dhe mbetet një figurë e dashur për publikun, brenda dhe jashtë fermës.
/vizionplus.tv
