Deputetja socialiste Blerina Gjylameti, zbulon se kaloi lindje të parakohshme për shkak të infektimit më covid-19.
Teksa e etiketon periudhën dy javore si “një sfidë të madhe”, Gjylameti ndau me shikuesin e “Vizioni i Pasdites” detaje nga muaji i fundit i shtatzanësi “nën kthetrat” e virusit vdekjeprurës.
“Vështirë sepse pikëpyetjet janë shumë të mëdha. Është i pastudiuar dhe nuk i di efektet se si do të ndikonte te bebi. Ditët e para ishin të thjeshta, më pas nisën komplikacionet. Kur gratë shtatzana infektohen, ka shumë mundësi të kalojnë në lindje të parakohshme. Kjo gjë ndodhi. Unë hyra në një proçes lindje të parakohshme.” – shprehu ajo.
