Rrëfimi i De Biazit: Isha pranë stolit të Italisë

Lajmet për uljen e mundshme të Gianni De Biasit në stolin e Kombëtares italiane mbushën një pjesë të periudhës pas Europianit francez, atëherë kur italianët kërkon një zëvendësues për trajnerin në ikje, Antonio Konte. Por megjithëse si përfundim nuk u konkretizua asgjë, diçka të vërtetë ka pasur, të paktën sipas asaj që ka deklaruar tekniku aktual i Shqipërisë për RAISPORT, ku ka qenë i ftuar për të komentuar miqësoren Itali-Gjermani. Aty, De Biazi ka treguar se ka qenë shumë afër kombëtares së kaltër. “Mund të zbuloj se jam takuar Presidentin e Federatës Italiane, Tavekion. Megjithatë si vendosi që të merrte si trajner Venturën, i cili po bën një punë shumë të mirë”, rrëfeu De Biazi, i cili foli edhe për drejtimin e Shqipërisë në eleminatoret e Botërorit. Mirëpo duket se italiani është dorëzuar pas vetëm 4 ndeshjesh. Sipas tij, humbja ndaj Izraelit në ‘Elbasan Arena’, i ka dhënë fund shanseve të kuqezinjve për dy vendet e para. “Vendi i tretë vlen pak, por për ne mund të jetë i rëndësishëm. Do të provojmë ta arrijmë në 6 ndeshjet e mbetura. Duke tentuar ndonjë surprizë sidomos jashtë fushës tonë. Ndaj Izraelit u bë një ndeshje që nuk e prisnim. Paguam shumë shtrenjtë disa vendime të diskutueshme të gjyqtarit”, deklaroi tekniku. Ai është shprehur i sigurt se Italia me Spanjën nuk do ta kenë aspak të vështirë të dalin në vendin e parë dhe të dytë. Duke i dhënë fund shpresave për një tjetër mrekulli kuqezi, pas asaj të Europianit. / Tring sport