Ronaldo “likujdon” Interin, finalja e kupës më afër

Juventus fitoi ndeshjen e parë gjysmëfinale të kupës së Italisë ndaj Interit dhe hodhi një hap të madh drejt biletes për në finale duke u hakmarre në një farë mënyrë edhe për humbjen në kampionat.Bardhezinjte kanë në xhep rezultatin 2 me 1 të marrë në San Siro dhe tani shkojnë në ndeshjen e kthimit ne shtëpinë e tyre më të favorizuar se kurrë. Akti i parë pati brenda tension dhe polemika, në një duel që u vendos nga episode dhe vecanërisht nga Kristiano Ronaldo autor I një dygoleshi. Zikaltrit ndonëse luanin pa Hakimin dhe vecanërisht Lukakun të pezulluar e nisën shumë mirë ndeshjen dhe shënuan të parët me Lautaro Martinez që mori një ndihme edhe nga veterani Bufon. Atë që nuk mundi dot ta bëjë në aksione të rrjedhshme, Juventus e mori nëpërmjet një episodi. Në të 26 Kuadrado tërhiqet në zonë nga Ashli Jang dhe gjyqtari nëpërmjet sistemit VAR dhe rishikimit në video të faullit vendos për 11-metersh. Goditje që kthehet në gol nga I zakonshmi Ronaldo. Portugezi nuk mjaftohet me kaq dhe në minute e  35 përfiton nga një gabim trashanik i Handanovic dhe Bastonit, të cilët nuk merren vesh me njeri-tjetrin dhe I japin kënaqësinë Ronaldos që të përmbysë gjithcka. Në pjesën e dytë, Interi provoi me force të barazonte po u ndesh ne disa reagime të Bufon dhe një largim topi në vijën fatale nga Demiral. Pas një javë, në ndeshjen e kthimit Inter duhet të bëjë pa Vidal dhe Sanchez të pezulluar por do tia besoje tentativën për përmbysje, tek rikthimi i Lukakut.