Një përsëritje e finales së Botërorit 2018. Kështu mund të cilësohej fare mirë ndeshja mes Francës dhe Kroacisë. Gjelat fituan më rezultatin e pastër 4-2 në shtëpi.
Edhe pse ta parët që kaluan në avantazh ishin miqtë me një gol të Lovren në minutën e 17-të. Kundërpërgjigja e vendasve erdhi shumë shpejt me dy gola. Griezman ka barazuar fillimisht për kampionët e botës ndërsa Marsial i dha dhe avantazhin Francës në fund të pjesës së parë.
Nga ana tjeter kroatët nuk u dorëzuan dhe gjetën shpejte golin e barazimit në fraksionin e dytë të lojës me anë Brekalo. Por Gjelat kaluan sërish në avantazh pak minuta më vonë falë Upamecanos. Ndërsa fitoren e francezëve e vulosi Zhirud që mbylli dhe sfidën me rezultatin 4-2, ashtu siç ndodhi dy vite më parë në Rusi.
Sfidë interesante ishte dhe ajo mes Portugalisë dhe Suedisë e fituar me rezultatin 2-0 nga portugezët, Vlen të theksohet paraqitja e mirë e Cristiano Ronaldos, teksa me dy golat e tij i dha fitoren skuadrës.
Por suksesi i tij nuk mbaroi këtu pasi 34-vjeçari është bërë lojtari i vetëm në historinë e futbollit që realizon 100 ose më shumë gola për kombëtaren e një vendi europian. Pas këtij triumfi, Portugalia dhe Franca kryesojnë më pikë të plota Grupin 3 të Ligës A të pas dy javëve të para.