Ronaldo e Messi, përballja vazhdon

Ky është padiskutim viti i Kristiano Ronaldos, i cili edhe vete ndoshta nuk do ta kishte ëndërruar qe brenda pak muajve, do te fitonte kaq shume trofe ne planin ekip dhe individual. Ylli portugez pasi siguroi Uefa Champions League me Real Madrid e pasi kurorëzoi ëndrrën per te fituar një trofe me kombëtaren, duke u shpallur kampion ne evropianin e Francës, fitoi edhe çmimin “Lojtari Evropian i Vitit”, gjate ceremonisë se shortit për fazën e grupeve te Championsit, hedhur ne Montekarlo. Ronaldo fitoi duelin me dy lojtare te tjerë qe gjithashtu shkëlqyen ne sezonin qe lame pas, shokun e tij te skuadrës tek Reali, Garet Bejl dhe talentin francez te Atleico Madrid, Antuan Griezman, lojtar kyç tek klubi i tij dhe tek kombëtarja. Ronaldo mori 40 vota nga 55 gazetare sportive, qe votuan nga Federatat Evropiane te Futbollit, 8 vota i mori Griezman dhe 7 te tjera Bejl. Kjo është hera e dyte ne karriere pas 2011 qe Ronaldo fitoi çmimi “Lojtari Evropian i Vitit”. Ndërkohe, rivali i tij i madh i 10 viteve te fundit, Leo Messi, i cili ishte jashtë postit për këtë trofe prestigjioz, u ngushëllua me një tjetër çmim te UEFA-s. Pleshti fitoi trofeun, “Goli me i bukur ne Evrope” per sezonin e kaluar. Behet fjale per nje gol te shënuar ndaj Romes ne “Kamp Nou” ne nje fitore 6 me 1 te katalanasve. Nje gol i mrekullishëm jo vetëm per nga aksioni, por edhe topi mbi kokën e Scheznit. siç di te beje vetëm Messi per te cilin votuan 34% e fansave online ne UEFA, ne vendin e dyte portugezi i futbollit te sallës Rikardinjo dhe ne vendin e dyte roveshata fantastike e Shaqirit ne evropian.