Roma shpartallon Palermon

Fitorja e peste rresht për Romen e Luciano Spaletit. Pikërisht ne mbrëmjen ku u shfaq hapur prishja e marrëdhënieve mes teknikut dhe kapitenit Toti me këtë te fundit ne tribune, Roma shpartalloi 5-0 Palermon, duke ushtruar presion te vazhdueshëm ndaj Fiorentines se vendit te trete. Ne sfidën e vlefshme per javën e 26 te Serisë A, ekuilibri mes dy skuadrave ne Olimpiko zgjati vetëm 30 minuta kur Xheko kaloi ne avantazh skuadrën e tij. Ne pjesën e dyte ne fushe pati vetëm nje melodi ajo e te zotëve te shtëpisë. Fillimisht Keita dyfishoi shifrat per t’i ardhur radha egjiptianit Mohamed Salah, autor i nje dopiete ne harkun kohor te dy minutave. Boshnjaku Xheko, nje minute nga fundi i takimit, vulosi rezultatin përfundimtar 5-0. Përfundon ne mënyrën me te mire nje mbrëmje mes fishkëllimave per Luciano Spapletin, per vendimin ndaj legjendës se Romes, gëzimit te fitores se 5 rresht me arome Champions dhe brohoritjeve per rikthimin ne fushe pas 13 muaj mungese te Kevin Strootman.

Atletiko ndalet nga Vijareal

Pas Realit te Madridit ne Malaga, edhe Atletiko u bllokua ndaj Vijareal duke i dhëne mundësinë e shkëputjes Barcelonës ne javën e 25 te kampionatit spanjoll. Ne “Vicente Calderon” skuadra e Simeones, nuk shkoi me shume se rezultati i bardhe pa gola dhe tashme e shikon veten 8 pike larg kreut te renditjes. Rasti i pare serioz u takoi miqve ne minutën e 32, por Bonera nuk arriti te çonte topin ne rrjete. Te zotet e shtëpisë reaguan me Grizman ndërsa ne pjesën e dyte ishte Oliver Torres, i cili ne nje rast flagrant ne minutën e dyte te shtesës, nuk arriti t’i jepte fitoren e shumëpritur skuadres se tij. Ne renditjen e përgjithshme, Barcelona kryeson tashme ne kuotën e 63 pikëve e ndjekur nga Atletiko me 55 dhe Real 54 pike.

Leave a Reply

Your email address will not be published. Required fields are marked *