Ne supersfiden qe mbylli edhe javën e 35 te serisë A, Roma mundi Milanin ne shtëpinë e këtyre te fundit duke rimarre vendin e dyte ne renditjen e përgjithshme. 1-4 ne San Siro per skuadrën e teknikut Spaleti duke u ngjitur ne kuotën e 78 pikëve, nje me shume se Napoli i vendit te trete. Një pjese e pare perfekte per skuadrën e kryeqytetit Italian, te cilët paten meritën te zhbllokojnë shpejt shifrat dhe me pas te bazoheshin te forca e tyre me e madhe kundërsulmi, duke luajtur ne mënyrën e tyre me te mire. Heroi i mbrëmjes Edin Xheko i cili shënoi dopiete per skuadrën e tij.
Fillimisht boshnjaku gjeti rrjetën ne minutën e 8 ndërsa me pas dyfishoi shifrat 20 minuta me vone, ndërsa Milan u shpëtua edhe nga portieri Donaruma dhe shtylla me tentativat e Perotit dhe Naingolan. Reagimi i kuqezinjve ishte shume i vaket kjo dhe nga nje mesfushe mjaft potente e kundërshtarit. Pas nje pjese te pare perfekte Roma ne te dytën kerkoi te kontrollonte rezultatin ndërsa goli i Milanit ne minutën e 76 nga Pasalic ishte vetëm nje iluzion per vendasit se mund te barazonin shifrat. Ngushtimi i diferencës i zgjoi kundërshtaret te cilët dy minuta me vone gjeten golin e trete, ketë here me El Sharawy, gol qe gjunjëzoi te zotet e shtëpisë. Tre minuta nga fundi erdhi dhe goli i nokautit.
Paleta shkaktoi faull ne zone ndaj Salah ndërsa gjyqtari kryesor akordoi penallti duke i dhëne karton te kuq futbollistit kuqezi. Nga pika e bardhe e penalltisë ishte De Rosi gjuajtja e te cilit nuk mundi te devijohej nga Donaruma. Roma ne vend te dyte dhe 7 pike larg Juventus me synimin per t’i shtyre përsëri festen e titullit ne perballjen direkte javën e ardhshme. Per Milan 2 pike ne 4 ndeshje ndërsa takimi i radhës ne fushën e vështire te Atalantes behet akoma me i vështire per nje vend ne kupat e europes sezonin e ardhshëm.
