“Roja e gjelbër” në mbrojtje të pyjeve

Vetëm muaj pas fillimit të funksionimit të “Rojes së Gjelbër”, strukturë e cila u ngrit në formën e një task force, për të shpëtuar situatën emergjente të prerjeve të pyjeve në Shqipëri rastet e konstatuara ditët e fundit kanë rënë ndjeshëm. Pjesë e rojes së gjelbër tashmë do të jenë për 10 vite edhe forcat e armatosura, monitorimi it ë cilave ka bërë që në qershor të jenë konstatuar vetëm 4 raste të prerjes së pyjeve, nga 52 që u gjenden në muajt e tjerë. Ministrja e Mbrojtjes Mimi Kodheli tha se ndërhyrja e ushtrisë ishte e domosdoshme.
“Ishim në momentin e duhur. Ishim në zgrip të një situate, realisht ndoshta që nuk do të kishim mundësi të rikthehej në situatën e mëparshme. Ndaj dhe ky angazhim i menjëhershëm i Policisë së Shtetit, Policisë Ushtarake, Ministrisë së Mjedisit me gjithë strukturat e veta, inspektorët dhe ekspertët, e bëri të suksesshëm këtë ndërmarrje. Jam më shumë se sa e kënaqur që ne jemi pjesë e kësaj përpjekjeje të përbashkët për t’i ruajtur pyjet, për t’i ruajtur mushkëritë e vendit tonë, si një domosdoshmëri.”
“Roja e gjelbër” do të funksionojë për 10 vite deri në përfundimin e moratoriumit të prerjes së pyjeve.