Gjatë takimit me strukturat në Kukës, kandidatja për kryetare të PD-së, Edith Harxhi deklaroi se mënyra e vetmë për të rrëzuar kryeministrin Edi Rama është përmes institucioneve dhe votës.
Sipas Harxhit, PD duhet ta përqëndrojë vëmendjen te elektorati gri.
“Ne nuk u treguam institucional, u larguam nga ato dhe kjo është fatkeqësia dhe sot mendojmë si të thyejmë Edi Ramën. Ai thyhet me institucion, me votë dhe me frymëzimin e të gjithë shqiptarëve. Duhet të kthejmë besimin tek elektorati gri që sot është 20 % që do të thotë një parti politike”, tha Harxhi.
Edith Harxhi tha më tej se qëllimi i saj është që të rikthejë konkurrencën dhe garën në mënyrë që PD të shihet sërish si një parti shprese dhe vlerash për shqiptarët.
